Amahe ga UPDF gatandika kuruga omuri DRC. Photos by Job Namanya.

N’ebya Job Namanya

KISORO

Amahe ga UPDF agatwire omu bicweka bya Burugwa-Izooba bwa Democratic Republic of Congo aha murimo gw’okurinda obusingye aha y’ekigombe ky’amahanga ga East Africa gariyo nigataaha omu Uganda kurabira ahansharo ya Bunagana omu disiturikiti ya Kisoro.

Amage ga UPDF kuruga omuri Congo nikijaho bwanyima y’emirimo n’omwoga gw’okurinda obusingye omu kigombe ky’amahanga ageteraine omuri DRC kuhwayo ebiro 08/12/202 nk’oku kyayorekirwe omu ruteerane rw’abeebembezi n’ab’amahe b’amahanga ga East Africa orw’omurundi gwa 23 hamwe n’orw’amahe.

Amahe ga UPDF gatandika kuruga omuri DRC.

Okurugiirira ahari Hassan Kato, Omugambirizi w’amahe ga UPDF agatwire omuri Congo, okwiha abaserukare n’ebirwaniro omuri Congo nikwija kukorwa omu bicweka, omu muringo murungi kandi omurimo ogu nigwija kukorwa kuhisya ebiro 7/01/2024 kwenda ngu haatabo okuteganisibwa kwona omu by’okwerinda.

Kato nakyoreka ngu UPDF neija kutaho oburyo kureeba abaserukare bayo baruga omuri Congo obwire obubahairwe butakahwireyo.

#WestUpdates