Bataano bakwateirwe okwiba emotoka- Kajjansi.

N’ebya Eddie Ssejjoba

KAJJANSI, KAMPALA

Pooriisi omuri Nateete, Kampala ekwatsire abashaija 5 abarikugambwa kuba bapangiise emotoka bakiheza bagiguza omu eihanga erya Democratic Republic of Congo.

Okurugiirira aha mugambirizi wa Pooriisi ya Kampala n’emyanya egiheriire, Patrick Onyango, abacondooza kuruga omu kyanga eky’amashuma babaire bakiriyo nibabuuza akasyo n’akahindu aha birikubagambwa ngu baibire emotoka.

Nagamba abakwatsirwe nka: Kenny Matovu, 30, manegya w’eby’entamburakandi omutuura w’omu kyaro kya Aliwala omuri DRC, Ismael Gumisiriza, 35, orikwekoresa kandi omutuura wa Okawanda Namere omu disiturikiti ya Wakiso hamwe na Ruth Musimenta orikumanywa munonga nka Jovan, 22, orikwekoresa kandi omutuura wa Kireka omuri Wakiso.

Abandi ni; Frank Matovu, 31, Dureeva kandi omutuura wa Katooke B zone omuri Nansana, Ivan Mwebeza, 40, dureeva kandi omutuura wa Katooke A zone omuri Nansana.

Okurugiirira aha kucondooza okwahikireho, ahabiro 20.05.2024 shaaha nka 3 z’ekiro omu kyaro ekya Seguku omuri Makindye Ssabagabo, Patrick Ssegujja, orikukora omu by’okupangisa emotoka akahikirirwa munywani we, Hassan Luyima, arikuronda emotoka y’okupangisa arikugira ngu yaatunga kasitoma owabaire nayenda kuza Masindi aha mukoro.

Luyima akagamba ekika ky’emotoka eki kasitoma yabaire nayenda eki Ssegujja yabaire ataine atyo akamusindika owa Saul Kiwuwa.

Onyango naagira ngu Kiwuwa akaikiriza kupangisa emotoka ye ehandiikirwe omu namba ya UBM 309G, ey’ekika kya Toyota Alphard, erikugambwa kuba negura shiringi Ugx 40,000,000.

Emotoka egi bakagikwasa Ruth Musimenta orikumanywa nka Jovan owabaire aine abandi bantu abakibuzire abarabiire omuri Luyima.

Beitu hoona, okurugiirira ahari Onyango, ahamwanya gw’abantu aba kuza Masindi aha mukoro bakagyenda emotoka bagiguza omuri DRC. 

Naagira ngu Pooriisi emanyisiibwe ahanshonga egu nikwo kubitahamu ekakwata abantu ababaire nibateekateekwaho obwo okucondooza kurikugyenda omu maisho.

#WestUpdates