Ekigombe ekya ASSHU kyashohoza ebirugire omubigyezo ebya MOCKS eby'amashomero ga Siniya...(Photo by Eli Akiza)

N’ebya Eli Akiza

Mbarara:

Ekitongore ekirikuteebeekanisa ebigyezo bya Mock ahabw’amashomero ga Siniya omukyanga ekya Ankole eriizooba kyashoza ebirugire omu bigyezo ebi ebyakozirwe abeegi ba S.4 n’eya 6 omu mashomero ga disiturikiti 13 z’ekyanga kya Ankole.

Okurugiirira aha bakugu kuruga omu kigombe eki ekya ASSHU, abeegi abarikurenga 25,000 nibo babishutamiire.

Ekigombe ekya ASSHU kyashohoza ebirugire omubigyezo ebya MOCKS eby'amashomero ga Siniya...(Photo by Eli Akiza)

Omukushohoza ebirugire omu bigyezo bya Mock, bakuru b’amashomero bashabwa okwehara omuze gw’okukopera abeegi.

Ebigyezo ebi nibiteebeekanisibwa buri mwaka n’ekigyendererwa ky’okuhwera abeegi okwetegurira ebigyezo bya UNEB.

Ekigombe ekya ASSHU kyashohoza ebirugire omubigyezo ebya MOCKS eby'amashomero ga Siniya...(Photo by Eli Akiza)

Okurugirira aha birugire omu bigyezo ebi, abeegi omu mashomero nibeyongyera kukora kurungi n’obukiraabe kiri ngu hakiriho ebirikwetengwa kuterezibwa namunonga omu ngyenderwaho nsya eya ‘New Lower Secondary Curriculum’.

Ekigombe ekya ASSHU kyashohoza ebirugire omubigyezo ebya MOCKS eby'amashomero ga Siniya...(Photo by Eli Akiza)

Abeegi barikuhika 17,606 ba S.4 nibo bashutamiire ebigyezo ebi kandi aba S.6 ni 7,471 okuruga omu mashomero ga disiturikiti 13 z’ekyanga kya Ankole hamwe na gamwe kuruga omu disiturikiti nka Mityana, Kigezi, hamwe na Wakiso.

#WestUpdates