Omukama Oyo asiimire Purezidenti Yoweri Kaguta Museveni ahabw’okubangura eminyeeto omu myooga erabahwere kwetandikiraho emirimo eyaabo.

N’ebya Omushaki weitu

KYENJOJO

Omukama wa Toro, Oyo Nyimba Kabamba Iguru Rukidi IV nashaba abantu b’omu bukama hamwe n’eminyeeto okwejumbira omu myooga y’eby’emikono.

Omukama naagira ngu eki nikija kuhweraho omu kurwanisa ekizibu ky’eibura ry’emirimo omu eihanga.

Okurugiirira ahari Oyo, okutunga omurimo y’omu ofiisi omu Uganda ebiro kigumire ahabw’okuba emirimo egyo neba eri nkye wagigyeragyeranisa n’abantu abarikuhendera emishomo yaabo. 

Ebigambo bya Omukama Oyo bibaire biri omu butumwa bwe obumushomiirwe aha mukoro gw’okushohoza eminyeeto 489 abahendiire omushomo gw’eby’emikono ahari Toro Presidential Industrial Hub omuri Kijwiiga omu disiturikiti eya Kyenjojo. Omukoro ogu gubaireho Orwakabiri ebiro 23/04/2024.

Abeegi kuruga omuri za disiturikiti eya Bunyangabu, Kyegegwa, Kyenjojo, Kitagwenda, Kamwenge na Kabarole bahairwe za ‘certificate’ omu mashomo gatari gamwe omuri okubaziira, okukoma amashokye, okwombeka, okubiija, okwosya ebyoma, okuteeka emigati, okukora enkaito n’agandi mingi.

Obutumwa bwe bumushomiirwe omuhwezi w’enganzi y’obukama orikujunanizibwa aha by’esente, Kwemara Ngabu William.

Omukama Oyo asiimire Purezidenti Yoweri Kaguta Museveni ahabw’okubangura eminyeeto omu myooga erabahwere kwetandikiraho emirimo eyaabo.

#WestUpdates