Ehururu y’okubinga obworo eya KEEP etongozibweho omuri Kibaale...(Photo by Ambrose Niwagaba Katoto)

N’ebya Ambrose Niwagaba Katoto

Kibaale:

Ehururu y'okubinga obworo omu eishaza erya Buyanja East omu disiturikiti ya Kibaale eya Kanzari Economic Empowerment Programme (KEEP) etongozibweho.

Ehururu egi etongozibweho omuny’eishengyero w'eishaza eri, Dr. Emily Kugonza hamwe n'abeebembezi abandi.

Beitu abeebembezi ba disiturikiti egi nibagamba ebizibu ebirikurugiirira ahabucene omumaka ebirimu obutabanguko omumaka, abaishiki okushwerwa bakiri bato, hamwe n'ebindi bikaremera omubatuura.

Dr. Emily Kugonza hamwe n'abeebembezi abandi batongoizeho ehururu y'okubinga obucene eya Kanzari Economic Empowerment Programme (KEEP) okwenegyeza enteekateeka za Gavumenti nka Parish Development Model, Emyooga hamwe n'ezindi.

Omuhwezi wa minisita w'eby'enshonga z'abakozi Grace Mary Mugasa owajwekyera omuhwezi wa Sipiika w’eishengyero, Thomas Tayebwa nashaba abantu okwejumbira omu puroguraamu z’okubaiha omu bworo.

Sipiika Tayebwa ashagikire enteekateeka egi nentandikwa ya miriyooni 10 kandi abany’eishengyero abandi baheireyo miriyooni emwe buri omwe.

#WestUpdates