Bamwe ahari bakuru ba Action 4 Rhinos, ahakutongoza ekibiina eki omuri Entebbe eriizooba. PHOTO: Job Namanya

N'ebya Job Namanya, Entebbe
Nka gumwe ahamiringo y’okujagurizamu ekiro ky’enyamaishwa y’enkura-ruhembe (World Rhino Day), abarikurwanirira okurinda eby’obuhangwa baatongoza ekitongore ekigyendereire kukora emirimo y’okurinda enyamaishwa ezi omu ihanga.

Okutongoza oku kwabaho ahamwanya ogurikushomesibwaho eby’obuhangwa ogwa Uganda Wildlife Education Centre (UWEC) omu disiturikiti ya Entebbe. Okurugiirira ahari David Bakeine, orikwebembera ekitongore eki, enkura-ruhembe 42 nizo zonka eziri omu Uganda kandi tiziine ndwara ezirikuziteganisa omumyanya ei zirimu

40 ahari ezi ziri ahari Zziwa Rhino Sanctuary kandi 2 ziri ahari Uganda Wildlife Education Centre omuri Entebbe. Bakeine naagira ngu nibaija kukora buri kimwe ekirikwetaagisa kureebeka ngu enkura-ruhembe zaarindwa nk’oku kirikubaasika.
#WestUpdates