Bamwe ahampungi omuri Nakivale barikusherura obuheereza bw'abashaho. PHOTO: Lydia Labanya

N’ebya Lydia Labanya

Enkambi y’empungi eya Nakivale kandi eri emwe ahankambi ezitwireho kumara obwire buraingwa omu Uganda, obwa hati eriyo neniogana n’ebizibu by’omubaro gw’empungi kweyongyera. 
 
Empungi zirikuhika 170,000 obwa hati nibatuura omunkambi kandi beeyongyeire kuruga ahari 100,000 ebaire eriho ahakutandika kw’omwaka ogu okurugiirira aharipoota y’ekitongore ky’amahanga g’ensi yoona ekirikujunaanizibwa eby’empungi ekya United Nations High Commissioner for Refugees (UNHCR). 

Omuhwezi wa mukuru w’enkambi egi, Penelope Twebaze, arikugaaniiraho n’abanyamakuru enshumi nkye ehwaire, agizire ngu okwija kw’empungi na munonga okuruga omuri Congo, kweyongyeire munonga. 

“Tureebire okweyongyera kurikuhisya ebicweka 70 ahari 100 kw’empungi kuruga omuri Congo omwaka oguhwaire gwonka.  Enyimaho, abasya abaabeire baija tukaba tubata omumwanya ogwa Rubondo kwonka obwa hati tufurukire twaza omuri Juru kwenda kukora ahamwijurirano ogu,” Twebaze nikwo ashoboroire. 
 
Twebaze hoona nabwo ayorekire okuremeererwa ahaby’okukoresa arikugira ngu habaireho okukyendeera kw’obuhwezi bw’ebyokurya hamwe na sente.

Kurugiirira ahari UNHCR, enkambi etungire okukyendeera kw’ebyokurya kurikwingana ebicweka 40 ahari 100 omumeezi 6 agahingwire kandi kyongyereire ahakizibu na munonga ahabantu abaine ebyetaago by’omutaano. 
 
Enkambi neekira kwemereraho ahabuhwezi obu Abakristo barikuha empungi. Kandi nabwo, bwanyima ya ofiisi y’amahanga ageeteeraine erikushugaanisa eby’obuhwezi (United Nations Office for the Coordination of Humanitarian Affairs, OCHA) kuha rupoota y’okukyendeera kw’obuhwezi kuruga omubakristo okw’ebicweka 20 ahari 100, obuhwezi oburiho nabwo buri haihi kuhweraho kimwe.
 

Empinduka y’obwire nayo eyongyeire ahanshonga egi, na munonga ahaby’obuhingi n’oburiisa. Twebaze ahamize ekyetaago ky’amaizi g’okushukyeerera omumisiri, agumize ngu, “Amashaaruura gakyendeire ebicweka birikuhika 30 ahari 100 ahabw’embeera y’obwire etabeire nungi. Ku haakubaho eby’okukoresa kushukyera amaizi, kikaahwereire munonga entuura y’abantu.” 

Madi Djabakate Mohamed, orikukurira ofiisi ya UNHCR eya Nakivale, ahamize obuzibu obu enkambi erimu, ahabw’okuha oburaaro abantu b’amahanga garikuhika 12 hamwe n’empungi kuguma niziija niziijurirana ahabw’emihondano eri omumahanga agahereire Uganda. 

Mohamed nabwo ayorekire engyenda y’empungi eyanguhi omu Uganda kandi ey’omutaano ahamahanga agandi agarikukira kuta empungi omunkambi honka.

“Enkora egi nereetaho embeera ya buriijo erikuheebwa empungi z’omu Uganda n’obu eraabe neija n’ebizibu ebindi, na munonga empungi ku barikugyezaho kwambuka kuza omumahanga agandi,” nikwo arikwonyeraho. 

Jocelyn Wyatt, orikukurira ekitongore kya Alight, ekyabeire kiri American Refugee Council (ARC), araganiise kukoresa enkoragana ei baine kutunga obuhwezi obundi. 
 

“Turiyo nitukora ahakukwatagana n’abantu buntu empa buhwezi omuri America, abantu n’amakampuni, kworeka embeera y’empungi omu Uganda,” Wyatt nikwo agizire. “Ekigyendererwa kyaitu n’okubazamu kabiri obuhwezi bwa Nakivale  omumwaka gw’eby’esente ogurikwija.” 

“Obwo omubaro gw’empungi gurikweyongyera, enkambi eya Nakivale hamwe n’ebitongore nka Alight tibibaasize kutengyesibwa omukugyezaho omukigyendererwa kyabo ky’okuhwera abantu abagyemesereziibwe kuruga omumahanga gaabo ag’obuzaarwa,” nikwo Wyatt ayongyeireho.
 
#WestUpdates