Anyakun hamwe n’abu agyenzire nabo bahikire omuri Oman ahabiro 21/04/2024. Courtesy photos.

N’ebya Omushaki weitu

Gavumenti ya Uganda neyenda kukwatanisa n’eihanga erya Oman kurihweraho omu kurwanisa ekizibu ky’eibura ry’emirimo na munonga omu minyeeto.

Minisita w’eihanga ow’enshonga z’abakozi, Esther Anyakun ayebembiire tiimu y’abakuru kuruga omu Uganda kuza omuri Oman kubuganaho minisita mutaahi we ow’enshonga z’abakozi, Mahad Said Ali Baawian kuganiiea aha nshonga y’okwiguraho akatare akasya ak’emirimo ahabw’abanya-Uganda.

Anyakun hamwe n’abu agyenzire nabo bahikire omuri Oman ahabiro 21/04/2024.

Ba minisita aba baikiriize kutaho endagaano y’okwikirizana aha nshonga ya Oman kutandika kuheereeza abanya-Uganda emirimo abashomire n’abatashomire.

Anyakun ayongiire yasiima Oman ahabw’enkatanisa nungi eri ahagati y’amahanga aga abiri kandi ahigire Minisita Baawain kwija omu Uganda kureeba emigisha eri omu by’obushuubuzi.

Anyakun hamwe n’abu agyenzire nabo bahikire omuri Oman ahabiro 21/04/2024.

Uganda ebaire yakozire endagaano zitari zimwe z’okwikirizana n’amahanga agandi agarimu United Arab Emirates, Qatar n’agandi kureeba ngu abanya-Uganda abarikukorera omu mahanga ago barinzirwegye.

Okukora endagaano ezi kikaijaho bwanyima y’okwetomboita kuruga omu bantu kweyongyera ahanshonga y’abanya-Uganda abarikukorera omu mahanga aga kugambwa kuba nibatuntuzibwa n’obugabe bwabo kuribatirirwa.

#WestUpdates