Ekitongore nabwo nikyoreka ngu eishomero erya Emirates Primary School omuri Mbarara niryo risingire omu kyanga ekya Burengyerwa-Izooba n’obucweka 89.9 ahari 100. Photos by Ssenyomo Gideon.

N’ebya Gideon Ssenyomo

MBARARA

Ekitongore ekirikutebeekanisa ebigyezo ebirikukorwa amashomero agari ahamusingye gw’ediini y’obusiraamu aharurengo rwa eihanga ekya Islamic Primary Leaving Examinations (IPLE) kishohoize ebirugire omu kukora ebigyezo ebi eby’abeegi baakozire omu mwaka gwa 2024.

Islamic Primary Leaving Examinations eshohoize ebirugire omu kukora ebigyezo by’obusiraamu ebya 2023.

Omukoro gw’okushohoza ebirugire omu kukora ebigyezo ebi gukoriirwe aha kitebe kikuru ky’obusiraamu ekya Uganda Muslim Supreme Council.

Ebirugire omu bigyezo eby'ediini y'ekiisiraamu nibyoreka ngu abeegi b’aboojo bakozire gye okukira aha baishiki.

Ekitongore nabwo nikyoreka ngu eishomero erya Emirates Primary School omuri Mbarara niryo risingire omu kyanga ekya Burengyerwa-Izooba n’obucweka 89.9 ahari 100.

Bamwe omubeegi b'eishomero erya Emirates Primary School omuri Mbarara barikworeka amashemererwa bwanyima y'okushataguza ebigyezo by'ediini y'obusiraamu ebishohoziibwe.

Sheikh Ismail Kazibwe, omuhandiiki mukuru w’ekitongore ky’ebigyezo ebi niwe akuriire omukoro gw’okushohoza ebirugire omu kukora ebigyezo ebi kandi ahabw’omwaka ogwa 2024, abeegi 6,432 nibo bashutamire ebigyezo ebi.

Ahari aba, abeegi 6,292 nibo bahikire ebigyezo ebi akandi abagwire nibaingana 126. 

#WestUpdates