Lions Club Mbarara kujaguza emyaka 10 y’obuheereza

Lions Club Mbarara kujaguza emyaka 10 y’obuheereza

N’ebya Eli Akiza

Mukuru w’ekitongore kya Lions Club Omu Uganda Dr. Stanley K. Bubikire ari omu Rurembo rwa Mbarara kukurira omukoro gw’okujaguza emyaka 10 y’obuheereza bw’ekitongore kya Lions Club of Mbarara Central.

Ogu yayakiirwa ba memba b’ekitongore eki aha omu rurembo rwa Mbarara kandi bwanyima yayebembera ba memba b’ekitongore eki okutwara obuhweezi bw’ebyokurya hamwe n’ebindi bintu by’okukozesa omu woodi y’abaana ah’eirwariro erikuru erya Mbarara Regional Referral Hospital.

Ogu yarambura na purojekiti ezikozirwe ba memba b’ekitongore eki omu myaka 10 ehingwire aharimu n’emiti 3,000 eyabyairwe aheishomero rya Mbarara Junior School kandi oku Mukuru w’eishomero Nathan Mugume yaasiima aba Lions Club aha bw’omurimo muhango ogu barikukora omu ihanga.

Dr Stanley kandi hoona yaabuganaho n’omuhwezi wa mukuru w’eitendekyero ry’ebya sayansi na tekinologiya erya Mbarara University Prof. Celestine Obua omu ofiisi ye ahari Kihumuro Campus ahi aba Lions Club baineyo itaka eryabahairwe University egi kuritunguura barikutaho omwanya ogu barikubaasa kuhumuriraho ninga shi Leisure Park.

#WestUpdates