Omuhwezi wa Ceeyamaani wa Kiruhura akwateirwe okuhamba.

N’ebya Simon Masaba 

Omuhwezi wa ceeyamaani wa disiturikiti eya Kiruhura, Adson Atuhaire, 30, akwatsirwe ahabw’okugambwa kuba ahambire omwegi w’emyaka 20.

Omugambirizi wa Pooriisi, Fred Enanga naagira ngu eekikorwa eki kikabaho ebiro 08/09/2023 shaaha 8 z’eihangwe omu kyaro kya Rwentondo omu woodi ya Kakoba omu rurembo orwa Mbarara.

 “Nikigambwa ngu eki kibaireho obu omwegi w’emyaka 20 abaire agiire kworeka Atuhaire n’abu abaire aine ahu Golden Leaf Bar erikushangwa. Aba babaire nibatamburira omu motoka ya Toyota Premio ehandiikirwe omu namba ya UAT 238Q,” Enanga arikushoborora.  

Enanga naagira ngu Atuhaire naagambwa kuba ashabire omwegi ogu kumutaayaayira omu mwabazyo.

 “Na bwanyima, Atuhaire agyenzire yaayakira omwegi omu hostel ahu arikutuura omu kyaro ekya Kakoba Kyapotani kandi bagiire omuduuka emwe batandiika kugura eby’okurya na snacks,” Enanga arikwongyera kushoborora.

Enanga naagira ngu ku babaire nibagarukayo, Atuhaire nikwo kuhinduura omuhanda ogu omwishiki abaire naamanya nikwo kumutooza omuhanda ogundi ahi arikugambwa kuba amuhambiire.

 “Omwishiki naagambwa kuba amanyiiseho ab’obushoborozi aha nshonga egi abaizire bakabitaahamu bakakwata Atuhaire hamwe n’emotoka ye obwo okucondooza kurikugumizamu,” Enanga arikushoborora.

#WestUpdates