Omukazi akwatsirwe ahabw’okwosya abaana be 2 b'abaishiki.

N’ebya Jeff Andrew Lule

NAKASONGOLA

Omukazi w’emyaka 27 omu disiturikiti eya Nakasongola akwatsirwe ahabw’okugambwa kuba atuntwize abaana be 2 b’abaishiki.

Abaana aba bamanyirwe nka; Fatuma Nagenda, 6 na Hajara Nasuuna, 4, abeegi b’eishomero erya Kamukamu Nursery School, Kakooge kandi bairukangiziibwe ah’eirwariro erya Kakooge Health Centre III ahi bariyo nibaragurirwa.

Ekikorwa eki kibaire omu tauni kanso ya Kyabutaika-Kakooge omu disiturikiti eya Nakasongora ahabiro 23/10/2023 shaaha nka 9 z’omwabazyo, Okurugiirira aha kihandiiko ekyashohozibwa Omugambirizi wa Pooriisi ahabw’ekyanga ekya Savannah, Sam Twineamaziima.

Ebyahikireho kuruga omu kucondooza nibyoreka ngu Justine Namuwonge, 27, omutuura w’omu tauni ya Kyabutaika-Kakooge kandi nyina w’abaana b’abaishiki aba 2 ahembire sigiri nikwo kutandika kuboosya engaro arikubatura okwiba emboga z’ebihimba bakazirya.

Nikigambwa ngu bwanyima y’okuboosya abarekire omuka ahamwanya gw’okubatwara ah’eirwariro.

Okurugiirira ahari Twineamaziima, Pooriisi egiire omu maka ga Namuwonge bwanyima y’okutunga okumanyisibwa kuruga owa Resty Kwagala, 25, omushomesa orikutuura omukyaro ekya Namunsaala omu tauni kanso ya Kakooge nikwo kutwara abaana aba ah’eirwariro erya Kakooge Health Centre III.

Naagira ngu Pooriisi ya Nakasongora eriyo necondooza omushango gw’okutuntuza abaana aba.

#WestUpdates