Muhereza Rodoviko, okwatsirwe nagambwa kuba atooroboize Dorothy Owomugisha na bwanyima akamuniganiga akamwita. Photo by Ruth Niwamanya.

N’ebya Ruth Niwamanya

ISINGIRO

Pooriisi omu disiturikiti eya Isingiro ekwatsire omushaija w’emyaka 25 ahabw’okugambwa kuba atooroboize omwana w’omwishiki w’emyaka 12 akiheza akamwita.

Muhereza Rodoviko nagambwa kuba atooroboize omwishiki omanyirwe nka Dorothy Owomugisha na bwanyima akamuniganiga akamwita.

Eki kibaire omu kyaro kya Mizani omu tauni kanso ya Kamubeizi ahi omugyenzi abaire ayoheereziibwe nyina kuza kutaayaayira nyin-enkuru.

Omudumizi wa Pooriisi ahabwa Isingiro, Frank Liiga naagira ngu Muheereza Rodoviko akwatsirwe barikuhweraho embwa ya Pooriisi enkagirizi bwanyima y’omutumbi gw’omwishiki ogu kushangwa gunagirwe omu kibira kya karituusi, kiromita nk’emwe kuruga omu maka ga nyin-enkuru.

#WestUpdates