Siipika wa Paramenti ya Uganda, Anita Among obu ataayaayira Paapa Francis omu kwezi kwa 8, 2023.

N’ebya Beth Akatukunda

Sipiika wa Paramenti, Anita Among azaire abarongo ah’eirwariro ery’omuri South Africa.

Omuhwezi wa Siipika wa Paramenti, Thomas Tayebwa niwe yaahamya amakuru aga arikurabira aha mukura gwe ogwa X.

“Ahabw’amashemererwa, ninyenda kutabaarusya mwine-maawe Moses Magogo hamwe na munyanyazi, Rt. Hon. Siipika Among ahabw’okuzaara abarongo. Hati muri Ssalongo na Nnalongo. Ninyenda kubatabaarusya omurundi ogundi,” Tayebwa arikushoboorora.

Among akahamya ku aine enda obu yaabaire naabuganaho Paapa Francis omuri Rooma omu kwezi kwa 8 kandi akashaba Paapa kumushabira n’okuheereza omugisha enda ye.

Paapa Francis akamushabira yamuhaasirira arikukora akabonero k’omusharaba.

Sipiika Among akashwerwa Magogo, omuny’ishengyero wa Budiope East kandi Purezidenti w’ekigombe ky’omupiira ekya Federation of Uganda Football Association (FUFA) omu kwezi kwa 8, omugwa 2022 aha mukoro ogw’ekihama ogwabaire omuri Kampala.

Eki kikaijaho bwanyima y’ababiri aba kukora omukoro gw’okwanjura ogw’omunju omu disiturikiti eya Bukedea.

#WestUpdates