“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

N’ebya Abdulkarim Ssengendo

Isingiro:

Abatuura omuri Bukanga North omu disiturikiti ya Isingiro behanangiriziibwe kurekyeraho okusiisira obwiire omu bikorwa ebitarimu Ruhanga, ebirimu okuza omu bafumu n’ebindi.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Okushaba oku kuheibweyo Biishopu w’obureeberezi bwa Ankole kandi hoona ori Diini w’ekanisa ya Uganda, Rt Rev Fred Sheldon Mwesigwa.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Biishopu Mwesigwa aheireyo okuhabura oku nyomwabazyo obu abaire naburira aha mukoro gw’okusiima kwa Julius Begumya n’eka ye okuhikirweho enkuyanja y’abantu.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Omukoro ogu gutandikire n’okwiguraho n’okuhasirira enju ya Julius Begumya nabwanyima haabaho okushaba kw’okusiima Ruhanga okukoreirwe omukanisa ya Kaziizi Church of Uganda.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Biishopu Mwesigwa agiizire ngu abantu baingi basiisire obwiire bwingi omu bintu ebitarikubayamba.

Biishopu hoona ashabire abantu omu kyanga eki n’ebicweka ebindi kurekyeraho kugirira bataahi baabo itima nikwo kushaba abarikwebaasa kuyamba enshoberwa.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Julius Begumya hamwe n’omukazi we Asasira Jenerous Begumya bashoboreire enkuyanja y’abantu ehikire aha mukoro ogu ahabw’enki batiireho eizooba eri kusiima Ruhanga.

“Murekyeraho kwikiriiriza omu bikorwa bitarimu Ruhanga” - Bishop Sheldon...(Photo by Abdulkarim Ssengendo)

Omukoro ogu guhikirweho abeebembezi batari bamwe na bamwe abashabire abantu kwejumbira omu kushomesa abaana baabo hamwe n’okutandikaho emirimo y’okwetunguura.

#WestUpdates