“Tinditsire ibanyi”, Molly Katanga yaayeehozaho omu kooti

N’ebya Angella Naturinda

Molly Katanga eriizooba yaayeehozaho obwo arikwehakana okwiita iba, Henry Katanga.

Katanga, 61, omushuubuzi rurangaanwa kuba yeitsirwe obuhuta obuyatungire ahamutwe bwanyima y’okuteerwa isasi ahabiro 2/11/2023 omumaka gaabo omuri Mbuya Chwa II Road omuri Kampala.

Molly yareebekaho omu kooti enkuru eyaaba ekuriirwe Omuramuzi Isaac Muwata.

Molly Katanga najunaanwa hamwe na Charles Tai, George Amanyire n’abahara babiri; Patricia Kankwanzi na Martha Nkwanzi, abarikujunaanwa okwiita obujurizi bw’okwitwa kwa Henry Katanga.

Orubaju oruhababi rwaba rukuriirwe omuhwezi w’omuhababi mukuru wa Gavumenti, Samali Wakooli n’abatonganirizi ba Gavumenti; Jonathan Muwaganya na Anna Kiiza.

Abarikujunaanwa nibajwekyerwa Peter Kabatsi, MacDosman Kabega, Jet Tumwebaze, Bruce Musinguzi na Elison Karuhanga.

Okuhurira omushango ogu nikugumizamu nyencakare.

#WestUpdates
#RadioWestAt25