Museveni nakyoreka ngu abateire akaruuru ka NRM nibeingana obucweka 50 ahari 100 y’aba memba 18,500,000 ba NRM abari omu eihanga ryona. (File photo).

N’ebya Omushaki weitu

KAMPALA

Purezidenti Yoweri Museveni nabwo ori ceeyamaani wa NRM omu eihanga ajumiriire eki ayetsire abantu abataine mutima gw’eihanga abarikugambwa kuba bahindwire ebirugire omu kuteera akaruuru (results), bakahindura za regista, bakahemba omuriro omu bantu oteireho n’okukoresa esente kugurira abateezi b’akaruuru omu karuuru ka NRM akaherize kuteerwa.

Purezidenti nakyoreka ngu ebikorwo nk’ebyo bigweriire kimwe kandi bishemereire kujumirirwa abashagiki boona aba NRM.

Purezidenti Museveni nahamisiririza ngu boona abakozire ebikorwa ebyo nibeija kufubirwa obwo barikutandika n’abantu abahindwire ‘results’ hamwe n’abo abaretsireho akavuyo n’okuhemba omuriro omu bantu.

Okurugiirira ahari Purezidenti, ba memba ba NRM barikuhika 9,200,000 nibo betabire omu kuteera akaruuru ka NRM ak’okutoorana abakwatsi b’ebendera ya NRM ahantebe y’obuny’eishengyero akateirwe ebiro 17.07.2025. 

Museveni nakyoreka ngu abateire akaruuru ka NRM nibeingana obucweka 50 ahari 100 y’aba memba 18,500,000 ba NRM abari omu eihanga ryona.

#WestUpdates