Aakibiishopu naashaba kuhabaho obumwe n’okukwatanisa omu kurwanirira obusingye arikugira ngu egi niyo ntandikwa y’eihanga kubagye. Photo by Mathias Mazinga.

N’ebya Umaru Kashaka 

KAMPALA

Aakibiishopu wa Kampala, Paul Ssemogerere yaashaba abanya-Uganda okukorera hamwe kureeba bareetaho obusingye arikugira ngu tihaine muntu weena orikubaasa kuba arigye aine obusingye yaaba ari wenka.

Ebi abigambiire omu misa y’okwijuka enganzi y’eihanga ey’okubanza omu Uganda kandi owabaireho ishabaramuzi, Benedicto Kiwanuka aha kashozi Rubaga omuri Kampala.

Aakibiishopu naashaba kuhabaho obumwe n’okukwatanisa omu kurwanirira obusingye arikugira ngu egi niyo ntandikwa y’eihanga kubagye.

Aijukire Kiwanuka nk’omushaija w’obusingye, ekitinisa, obumwe n’oburinganiza.

Ssemogerere nashoborora ngu obuhingwireho, Kiwanuka agambirweho nk’eky’okureeberaho kirungi ekitari kya buraijo nk’oku abantu baingi barikukira kureetaho emihondano omu byanga bitari bimwe.

Aijukire Kiwanuka nk’omushaija w’obusingye, ekitinisa, obumwe n’oburinganiza. Photo by Mathias Mazinga.

Misa egi, ehikirweho na minisita w’eby’amataka, Judith Nabakooba ogizire ngu Kiwanuka akaba nakunda kureeba ngu abantu boona baine obugabe.

Ashabire abeebembezi boona okutwara eky’okureeberaho kya Kiwanuka kandi bagyendere ah’eiziina rirungi eri yasigire.

#WestUpdates