Trump, 78, obaire ayijwire eshagama aha maisho airukangiziibwe omu eirwariro kutunga okuragurirwa.

N’ebya Omushaki weitu

AMERICA

Omunyambundu ateire Donald Trump eisasi omu kutu yaahutaara obu abaire ari aha ruteerane rwe omuri Butler Pennsylvania.

Eki kibaireho nyomwebazyo Orwamukaaga ekiretsireho akavuyo n’okwerarikirira yaaba akaruuru k’okutoorana Purezidenti wa America omwaka ogu karaabe ak’obusingye.

Abahagizi ba Donald Trump ababaire bari aha ruteerane rwe omuri Butler, Pennsylvania. Courtesy Photos.

Trump, 78, obaire ayijwire eshagama aha maisho airukangiziibwe omu eirwariro kutunga okuragurirwa.

Omunyambundu ogu n’ondiijo ou abaire aine baitsirwe kandi abandi bantu 2 baatungire obuhuta. 

Purezidenti wa America, Joe Biden arugiire yajumirira ekikorwa eki arikugira ngu ebikorwa nk’eki tibirikwikiribwa omuri America.

Biden naza kuritana na Trump omu karuuru k’okutoorana Purezidenti akarikuza kuteerwa omu kwezi kwa 11, 2024.

#WestUpdates

#RadioWestAt25