45 bateirweho omushango ogw'okutaho oruteerane omubuhenda biragiro.

45 bateirweho omushango ogw'okutaho oruteerane omubuhenda biragiro.

N'ebya Eddie Ssejjoba

Abantu 45 omu mwabazyo gw'orwakataano batwirwe omu kooti batebwaho omushango ogw'okutaho oruteerane omu buhenda biragiro.

Abatwirwe omu kooti bakwatsirwe aharwakana ahabw'okugambwa kuba babaire nibateebekanisa kwakiira omwebembezi w'ekigombe ekya National Unity Platform (NUP), Robert Kyagulanyi Ssentamu orikumanywa munonga nka Bobi Wine aha kishaayi ky'enyonyi ekya Entebbe.

Ku ahikire aha kishaayi ky'enyonyi ekya Entebbe, Kyagulanyi atwirwe aba Pooriisi omu maka ge agarikushangwa Magere omu disiturikiti eya Wakiso.

Banyakukwatwa bareebukireho omu maisho g'omuramuzi wa kooti y'eidaara ry'okubanza, Elisha Arinitwe.

Obuhababi nibugira ngu banyakujunaanwa berundaniire ahari Makindye-Ssabagabo omu maka ga meeya w'ekicweka eki, Godfrey Ssemwanga obwo barikuteebekanisa oku barayakiire Bobi Wine omu kitinisa.

Omutonganirizi wa gavumenti, Hope Rukundo amanyiise kooti ngu okucondooza omu mushango ogu kukiriyo nikugyenda omu maisho kandi ashabire kooti abakibuzire nabo kubeeta.

Omuramuzi asindikire banyakuteekateekwaho aha rumanda kuhisya ebiro 13/10/2023, arikugira ngu boona baizire n'abajurizi 2 n'ebihandiiko ebirikubakwataho nikwo kushaba ngu baheebwe obwire kushwijuma ebihandiiko ebyo.

Banyakujunaanwa bajwekiirwe puriida waabo, Enock Kuluba, Ismail Kiweewa na Brian Nuwamanya abahandiikire barikushaba okwemererwa kw'abantu baabo.

Abarebukireho omu kooti barimu: Ahmed Tamale , Lawrence Wasswa Ddumba , Emmanuel Kaye, John Kennedy Kateregga ,Eddy Kaweesi, Muhammad Musuuza, Ismail Kasozi, Muhammad Ssonko , Herbert Mukasa and Andrew Ssewanyana, Charles Nkangi, Martin Ekodu, Robert Kyakwambala, Farouk Lule, Muhammed Lumala, Kenny Walakira, Yusuf Zziwa, Ahmed Ssekyanzi, Fahad Kyambadde, Joseph Kagimu, Brian Ssengendo, Moses Kanaala, Siraje Isabirye, Jimmy Ssematimba, David Kinkumu, Brian Nteko na Fahad Ddembe. 

Abandi ni; Juliet Namakula, Zaina Birabwa ,Hanifah Sitenda, Ruth Kulabako, Josephine Nalwanga, Aisha Nalweyiso, Veronica Nalubega, Halima Nakazibwe, Faridah Nalwanga, Sarah Nantongo, Daisy Nassolo, Mary Nalweyiso, Hadijja Namugenyi ,Fatuma Nassiwa hamwe na Hadijah Nakidde.

#WestUpdates