Kituuma naagira ngu aba Pooriisi abakwatsirwe nibeija kutwara omu kooti ya Pooriisi ey’emicwe n’emitwarize baajunaanwe. Courtesy Photo.

N’ebya Omushaki weitu

MBARARA

Pooriisi omuri Mbarara ekwatsire abaPooriisi baayo 4 abarikugambwa kuba bakwatsire omukaikuru omungyeri etari y’obuntu omu rurembo orwa Mbarara.

Abakwatsirwe barimu; ASP Andrew Betunga (Community Laisons Officer at Mbarara Police), n’abandi bashatu abarikukuratiriza emishango abarimu: Darius Aharizira, Hope Nsaasiirwe na Loyce Kiboneka.

Akatambi ka vidiyo akajaanjire aha mikura ya Internet nikoreka aba Pooriisi ababaire bajwire emyenda eya buraijo barikukurura omukazi ogu omu byagaana by’amaizi na bwanyima nikwo kumuta omu motoka ya Toyota Harrier ehandiikirwe omunamba ya UBE 907U ebaire ebategyeriize.

Abantu baingi barugiireyo bashaba Pooriisi kufubira aba Pooriisi abari omu katambi aka. 

Aka vidiyo aka nikagambwa kuba kakwateirwe omuri Lubiri Cell omu rurembo rwa Mbarara obu omukaikuru ogu omanyirwe nka Victoria Kabatoraine Ariau orikugambwa kuba akwatsirwe ahabw’enshonga z’eitaka.

Omugambirizi wa Pooriisi, Rusoke Kituuma ajumiriire omuringo ogu aba Pooriisi bakwatsiremu omukaikuru ogu. 

Kituuma naagira ngu aba Pooriisi abakwatsirwe nibeija kutwara omu kooti ya Pooriisi ey’emicwe n’emitwarize baajunaanwe.

#WestUpdates