Abantu abaine oburwaire bwa Monkey Pox bahikire 69.

N’ebya Omushaki weitu

Abantu abakwatsirwe oburwaire bw’omuze oburikuruga omunkyende obwa Monkey Pox beyongiire bahika 69 bwanyima y’okuhamya abandi bantu 33 abashangirwe n’oburwaire obu.

Daniel Kyabayinze, omukuru kuruga omu minisiture y’eby’amagara naagira ngu abantu abasya abashangirwe n’oburwaire obu obwa Monkey Pox nibaruga omuri za disiturikiti zitari zimwe kandi bukirizeyo kureetwa ebikorwa by’obushambani.

Kyabayinze nakyoreka ngu Nakasongola eine abantu 21 abaine oburwaire bwa Monkey Pox, ekireteire yaaba disiturikiti erikukirayo kugira abarwaire baingi ahabw’ebirikukorerwa omu mabaara naaza loogi n’emirimo y’okujuba eby’enyanja.

Ebyo bikiri aho, ekitongore ky’obuheereza bwa Pooriisi y’ebihome nyomwebazyo ebiro 09.10.2024 kihamize omusibe omwe omuri Nakasongola oshangirwe n’oburwaire obu obwa Monkey Pox.

Abantu barikurenga 34,000 nibo baahamiibwe kuba abaine oburwaire bwa Monkey Pox omu mahanga 16 g’omu Africa kuruga oburwaire obu bubarukaho.

#WestUpdates