Omu mwaka gwa 2021, eby'abaana 6 by'ebicuncu bikashangwa bifiire omuri Queen Elizabeth National Park. ( New vision file photo).

N’ebya Omushaki weitu

KASESE

Ekitongore ekirikujunanibwa ahanyamaishwa z'omu kishaka ekya Uganda Wildlife Authority kiriyo nikicondooza okufa kw’ebicuncu 3 ebifiire ekitaraririine omu eirindiro ry'enyamaishwa erya Queen Elizabeth National Park.

Omu kihandiiko ekishohoziibwe, ekitongore ekya Uganda Wildlife Authority nikigira ngu okufa kw’ebicuncu ebi kwizire kumanywa omu kasheeshe ka nyomwebazyo ebiro 11.12.2025 kurabira omuri omwe ahabarikujunanizibwa ah'eirindiro eri.

Tiimu y'abakuru eyohereziibwe aha mwanya nikwo kushanga ebicuncu 3, 2 by’ebishaija na kimwe ky’ekikazi bifiire.

Ekitongore ekya UWA nikigira ngu Pooriis omuri Kasese emanyisiibweho kandi okucondooza kw’amakwatane kuriyo nikugyenda omu maisho.

Ekitongore nikishaba abantu okushagika ehururu y’okurinda enyamaishwa z'omu kishaka n'amarindiro obwo barikuhayo omu bushoborozi ebikorwa byona ebirikuta amagara g’enyamaishwa ezo omu kabi.

#WestUpdates