Abaramagi aba nibateekateekwa kumara ebiro 21 omuri Mecca kukora emigyenzo etari emwe n’emwe. PHOTOs by Wilfred Sanya

N’ebya Farooq Kasule and Wilfred Sanya 

WANDEGEYA

Abanya-Uganda barikurenga 1,600 bariyo niborekyerera ogwa Mecca omu eihanga erya Saudi Arabia kuwegaita ahankuyanja y’abasiraamu kuruga enshonda n’enshonda omunsi yoona kukora Hijja ey’omwaka ogu.

Ebi bihamiibwe Sheikh Zakaria Kyewalyanga, orikukurira ebya Hijja omu Uganda omu kugambaho na TV West ahasimu Orwakashatu ebiro 05.06.2024.

Kyewalyanga naagira ngu abasiraamu b’omu Uganda abarikuza kukora Hijja omuri Mecca, omu eihanga erya Saudi Arabia beyongiire kuruga ahari 1,300 abagiireyo omwaka oguhwaire baaza ahari 1,600 omwaka ogu.

Kyewalyanga naagira ngu ekireteire abaramagi kuruga omu Uganda bakanya n’ahabw’okuteebekanisa kare ekihaire omugisha abasiraamu baingi kukwata obwire.

Ekicweka ky’okubanza ky’abaramagi kuza Mecca omuri Saudi Arabia basimbwire Orwamukaaga orwa wiiki ehwaire kandi abaramagi ab’ahamuheeru nibeija kusimbura Orw’okubanza rwa wiiki erikwija ebiro 10.06.2024.
Kyewalyanga naagira ngu ekireteire abaramagi kuruga omu Uganda bakanya n’ahabw’okuteebekanisa kare ekihaire omugisha abasiraamu baingi kukwata obwire.

Abasiraamu okuza Mecca kukora Hijja n’emwe aha mpagi itaano z’obusiraamu. Ezindi mpagi ni; Shahadah, Swalah, Zakat hamwe n’okusiiba narishi ekiwakweta Sawm.
Omwaka ogu, abaramagi bashashwire esente eziri ahagati ya shiringi miriyooni 19 na miriyooni 38 okurugiirira ahari Kyewalyanga.

Abaramagi aba nibateekateekwa kumara ebiro 21 omuri Mecca kukora emigyenzo etari emwe n’emwe. 

Emigyenzo y’okukora Hijja erimu okujaguza Eid y’okushara ebinyamaishwa (Eid Adhuha) eriho ebiro 17.06.2024.

Arikusimbura abaramagi aba aha muzigiti gwa Wandegeya omuri Kampala Orwakataano orwa wiiki ehwaire, Prince Kassim Nakibinge Kakungulu omwe ahabarikukurira abasiraamu ashabire abaramagi okutunga akaire bakashabira eihanga eri Uganda.

#WestUpdates
#RadioWestAt25