Omwe aha basiraamu ababaire bagiire Mecca afiire.

N’ebya Omushaki weitu

SAUDI ARABIA

Abasiraamu ba Uganda ababaire bagiire kukora Hijja omuri Mecca na Medina omu Ihanga erya Saudi Arabia bakiri omu kutiina bwanyima y’omwe omuri bo kufa ekitararaine bwanyima y’okutunga oburemezi omu mutima.

Musa Kasimba, 88, owarugiire omu kyaro kya Kiteredde kiromita 3 kuruga omu tauni ya Kayunga afiire bwanyima y’okwirukangizibwa omu eirwariro rya gavumenti omuri Mecca, Saudi Arabia.

Abasiraamu ba Uganda barikuhika 400 bakasimbura aha kishaayi ky’enyonyi ekya Entebbe aha biro 19/06 na 20/06/2023 kuza kukora Hijja omu Ihanga erya Saudi Arabia kandi aba nibateekateekwa kugaruka omu Uganda Orwakabiri ebiro 04/07/2023.

Sheikh Zakaliya Kyewalyanga, orikukurira ebya Hijja omu Uganda, yaagira ngu bariyo nibakora ahantebeekanisa z’okuziika Omusiraamu ogu omuri Mecca bwanyima y’okutunga okwikirizibwa kuruga omu Pooriisi, ofiisi y’enshonga z’omunda hamwe n’ekitebe kikuru kya Uganda omuri Saudi Arabia.

#WestUpdates