Abany'eishengyero ab'orubaju oruhakani bashohora omu rushutamo rwa paramenti eihangwe eri..(Photo by Maria Wamala)

Abany’eishengyero ab’orubaju oruhakani bashohora omu paramenti bwanyima y’okutuntuuzibwa pooriisi

N’ebya Henry Sekanjako

Abany’eishengyero ab’orubaju oruhakani eihangwe eri bashohora omu paramenti obwo barikujunaana pooriisi okuguma nebatuntuuza.

Kurugiirira ahari Muwanga Kivumbi orikukora nk’omwebeembezi w’orubaju oruhakani omu paramenti, oihireho ebiragiro kwikiriza enteraane, pooriisi n’abamahe nibagumizamu okutangira ab’orubaju oruhakani okugiraho enteraane zaabo.

Ogu naagira ngu ab’eby’okwerinda babatwarize kubi nyomwabazyo obu babaire nibajaguza ekiro ky’okwetegyeka. Ogu nashoboorora ngu ab’eby’okwerinda bakatuntuuza Purezidentti wa NUP, Robert Kyagulanyi wiiki ehwaire ahakishaayi ekya Entebbe.

Abany'eishengyero ab'orubaju oruhakani bashohora omu rushutamo rwa paramenti eihangwe eri..(Photo by Maria Wamala)

Kivumbi yaagira ngu pooriisi tekingire ofiisi za NUP kwomba beitu bagarukire bakwata omuhandiiki mukuru n’omugambirizi w’ekibiina eki.

Ogu yashaba gavumenti kushoboorora ahabw’enki ab’eby’okwerinda barikugumizamu kutwariza kubi ab’orubaju oruhakani ninga shi bashohore omu rushutamo rwa paramenti.

Beitu hoona Omuhwezi wa Sipiika w’eishengyero, Thomas Tayebwa, owaba akuriire orushutamo oru yajunaana orubaju oruhakani ahabw’omushaba okushoboorora ahanshonga egi batabandize bamuhikiirira omu ofiisi ye.

Tayebwa yabashaba okuheereza gavumenti obwire kushohoza ekihandiiko ahanshonga egi.

Beitu hoona Muwanga yayebembera abany’eishengyero ab’orubaju oruhakani kushohora omu paramenti kuhitsya obu Minisita obu arashoboorore ahabw’enki ab’eby’okwerinda barikubatuntuuza.

Aharw’okubanza nyomwabazyo, pooriisi ekingireho ofiisi za NUO omuri Kamwokya kandi bakwata abakuru omu kibiina eki aharimu Lewis Rubongoya, Omuhandiiki mukuru hamwe n’omugambirizi w’ekibiina eki, Joel Ssenyonyi n’abandi ba memba.

#WestUpdates