Abashuma baateire omushuubuzi-kazi amasasi baamuhutaaza omuri Kagadi

Abashuma baateire omushuubuzi-kazi amasasi baamuhutaaza omuri Kagadi

N’ebya Andrew Musinguzi

Pooriisi omukyanga ekya Albertine bariyo nibahiiga abashuma babiri b’embundu abarikugambwa kuba bateire amasasi bakahutaaza omushuubuzi-kazi w’emyaka 24.

Abashuma aba nibagambwa kuba bateire omukazi ogu amasasi bwanyima y’okukinga eduuka ye y’embaaho nk’ahari shaaha 1 z’omwabazyo nikwo bakamwibaho shiringi miriyooni 8.

Omugambirizi wa pooriisi ahabw’ekyanga ekya Albertine, Julius Hakiza naagira ngu abashuma ababaire baine embundu hamwe n’omusyo bateire amasasi kandi bahutaaza omushuubuzi-kazi omanyirwe nka Stella Komuhirwe.

Ogu nahabura abantu kwerinda kandi n’obutatambura n’esente nyingi ekirikuta amagara gaabo omu kabi.

Komuhirwe ataahiriirwe nk’ahari shaaha 1 z’omwabazyo obu abaire nayigura 'gate' y’ekibuga kye omuri Nakulabye omuri Kagadi obwo arikuruga ahaduuka.

Okucondooza kuriyo nikugumizamu.

#WestUpdates