Abashuma b’embundu babuzireho na miriyooni 30 omuri Kiryandongo

Abashuma b’embundu babuzireho na miriyooni 30 omuri Kiryandongo

N’ebya Saidi Engola

Pooriisi omu disiturikiti ya Kiryandongo bariyo nibacondooza omu mushango ahi abashuma b’embundu bataahiriire eitaagi rya Link Microfinance omuri Karuma bakaburaho na shiringi miriyooni 30 aharwamukaaga, 16/9/2023.

Abashuma 5 aba babaire nibatamburira omumotoka nikwo kutaahirira ofiisi egi n’embundu ibiri za AK47 na pistol, baazorekyereza  omumukuumi nikwo kuheza bakahenda akabokisi ka sente (safe) bakazitwara zoona.

Kurugiirira ahamukuumi ogu, ou eiziina rye ritagambwa, abashuma aba bamutwaire baamunaga ahari Diima haihi n’omwanya ogu abaire akuumiire.

Pooriisi erikwejunisa embwa y’enkagirizi baabaasa kutunga omukumi ogu nikwo kumutwarwa kubahwera omu kucondooza.

Omugambirizi wa pooriisi ey’ekyanga ekya Albertine, Julius Hakiza hamwe na Manegya wa Link Micrifinance ahabw’eitaagi erya Karuma, Justo Onzima, tibaabaasa kugamba ahanshonga egi.

#WestUpdates