Abeegi 6 bahutaara omubutandu eyaaba ahabitara bya Nkumba

N’ebya Charles Etukuri

Entebbe:

Abeegi 6 bahutaara bwanyima ya baasi ei baaba nibatamburiramu kugwa omuributandu ahabitara bya Nkumba omu munisiparite ya Entebbe.

Micheal Kananura, Omugambirizi wa pooriisi ey’ahanguuto naagira ngu butandu eyabaho akasheeshe aka ahabitara bya Nkumba yaaba ahagati ya baasi ya Isuzu namba UBA 839S na Toyota Double Cabin namba UG 2402C.

Kananura nashoboorora ngu baasi egi eyaaba erimu abeegi b’eishomero erya Trust Infant Primary School, Nakaseke abaaba nibaza kurambura Entebbe Zoo, yaremwa kutsiba kuyahika ahabitara bya Nkumba erikuruga orubaju orwa Kampala.

Baasi egi yatomerana na Toyota Double Cabin etakerabiremu nikwo kuhutaza abeegi 6.

Abeegi abahutara batwarwa ah’eirwariro erya Sub Medical Centre, Nkumba kuragurirwa.

Kananura naagura ngu emotoka zombi zatwarwa aha pooriisi ya Nkumba kandi nibagumizamu kuhiiga dureeva wa baasi owabuza amaisho.

#WestUpdates