Bamwe omubeegi ba Nyamitanga Technical Institute barikuyonja Rwebikoona, Mbarara eriizooba ebiro 31.10.2024. PHOTO: Eli Akiza

N'ebya Eli Akiza, MBARARA CITY
Nka gumwe aha miringo y'okugaruriza ekyanga ekihereire eitendekyero eri, abeegi b'eitendekyero rya Gavumenti ery'emikono erya Nyamitanga Technical Institute baakyera kuyoonja omu town ya rwebikoona aha omuri Mbarara City.

Okurugiirira aha beebembezi b'eitendekyero eri eki nibakikora okusiima abantu hamwe n'okujaguza emyaka 71 eyi eitendekyero eri ryahisya omubwegyese.

Gervase Bafaki omubijwaro by'erangi ya kakobe n'abandi beegi bari omukuyonja gumwe ahamyanya ya Rwebikoona. PHOTO: Eli Akiza

Abeegi, bakwataniise n'abashomesa baabo eizooba eri baakyera kuyonja omu tawuni ya Rwebikoona omururembo Mbarara omu myanya nka akatare hamwe n'enguuto z'omu tawuni egi ezaaba zijwire oburofa.

Omu rukiiko rw'abanyamakuru orwakorerwa ah'eitendekyero eri omuri Nyamitanga, mukuru weitendekyero, Gervase Bafaki, yaayoreka okukwatwaho ahabw'omuhendo gw'abaana b'abaishiki ogukiri mukye omu mashomo aga ag'emyoga.

Bamwe omubeebembezi b'amatendekyero g'eby'emikono beerarikiriire ahabw'omubaro mukye gw'abaishiki omumatendekyero aga. PHOTO: Eli Akiza

Omwaka ogu eitendekyero eri niriija kujweka abeegi omurundi gwa 2 kwiha ritandia kandi abeegi barikuhika 1,133 nibo barikuza kujwara izooba rya nyenkyakare kandi ahari aba ebicweka 21% n’abaishiki. 

#WestUpdates