Pooriisi negira ngu eki kibaireho omu kiro ky’orwakashatu shaaha 7 z’ekiro omu kisharara ekya Atoot aha ruguuto orwa Mukongoro.

N’ebya Godfrey Ojore

NGORA

Abeegi 70 n’abashomesa 13 ab’eishomero erya Pallisa Girls' Primary School bahoniire hakye kusya bwanyima ya bus eyi baaba nibatamburiramu kukwatwa omuriro aha rutindo orwa Atoot omu disiturikiti eya Ngora.

Abaishiki ababaire nibaruga aha mpaka z’okweshongora omu disiturikiti eya Serere babaire bari omu bus y’ekika kya Kakise bahonire kusya bwanyima y’omupiira gwayo kubaruka gukakwatwa omuriro.

Pooriisi negira ngu eki kibaireho omu kiro ky’orwakashatu shaaha 7 z’ekiro omu kisharara ekya Atoot aha ruguuto orwa Mukongoro.

Omugambirizi wa Pooriisi ahabw’ekyanga ekya Kyoga East, Oscar Ageca naagira ngu boona ababaire bari omu bus egi bahonire. Beitu hoona, ebijwaro eki babaire nibeshongoreramu n’ebindi bikwato ebi babaire nibakoresa bihaire byahinduka omuyonga.

Omurambuzi w’amashomero omu disiturikiti eya Pallisa, Jessica Ojangole naagira ngu bwanyima ya bus egi kukwatwa omuriro, abeegi n’abashomesa bariire omu kanisa ebaire eri haihi.

Nakyoreka ngu kampuni ya bus eya Kakise eretsire bus endiijo, abeegi n’abashomesa babaire bakiri omu kyekango kandi bangire kugumizamu ekibagyemesereize kuraara omu kanisa.

Ojangole naagira ngu ebintu by’esente  nyingi bihwerekyeriire omu muriro ogu kandi nashaba bakama ba bus egi kukaita abeegi, abashomesa n’eishomero abafeereirwe ebintu byabo.

Ahitwaza kuhandikira amakuru aga omu kasheeshe, Pooriisi yaaba ekiriyo nekora siteetimenti kuruga aha bashomesa n’abeegi.

#WestUpdates