Nicholas Muhumuza, omuburuzi w’ekanisa ya Kitojo C.O.U omuburiisa bwa Kyeibaare omuri West Ankore Dayosiisi nikwe akwatsirwe Pooriisi emwihire omu loogi.

N’ebya Bruno Mugizi

SHEEMA

Omubirizi w’ekanisa akwatsirwe bwanyima y’okumushanga omu loogi n’omwegi w’omwishiki w’emyaka 16 omu disiturikiti ya Sheema yaheza kumuta omu kikorwa ky’omubonano.

Nicholas Muhumuza, omuburuzi w’ekanisa ya Kitojo C.O.U erikushangwa omu buriisa bwa Kyeibaare omu busabadikoni bwa Bikungu omuri West Ankore Dayosiisi akwatsirwe Pooriisi emwihire omu loogi za Homeland Bar and Lodges Kasaana ahi bashangire kondomu ekoriise enagire omu bafu.

Tuhikire aha kanisa ya Kitojo C.O.U, twashanga omuburizi baherize kumukomera ngi agyende.

Ekikisingireyo kutangaaza abakurisitaayo n’okushanga ngu Pooriisi ya Kasaana erekwire omuburuzi ogu kandi RDC wa Sheema, Pulkeria Muhindo agizire ngu buri mu Pooriisi weena ori enyima y’okurekura omuburizi ogu naija kukwatwa ajunaanwe.

Abakuristaayo nibagira ngu n’esente z’ekanisa abaire nazirya nkakooma k’ebicoori. 

Tugambireho n’omuburuzi Muhumuza aha simu kandi atugizire ngu nawe nabihurira ngu konka ti mazima. 

Tugyerizeho nageitu kugambaho n’abakuru b’ekanisa omu bureeberezi bwa West Ankole konka bagumire nibatweshara barikwanga kugamba aha nshonga egi.

#WestUpdates
#RadioWestAt25