Akakiiko k'eby'oburuuru kangire kuhandiika ekigombe ekya National Revival Coalition eky'owabaire ayesimbireho ahabwa Purezidenti akateirwe 2021 John Katumba

N’ebya Omushaki weitu

Akakiiko k’eby’oburuuru kangire kuhandiika ekigombe ekya National Revival Coalition (NRC).

Owabaire ayesimbireho ahabwa Purezidenti akateirwe 2021 John Katumba orikumanywa nka Katumba Oyee niwe abaire aretsire ekigombe ekya National Revival Coalition kukihandikisa.

Abakuru omu kakiiko k’eby’oburuuru omu baruha ei bahandiikire Katumba Oyee neyoreka ngu Katumba aremirwe kuhisya emikono erikwetengwa kuza kwikirizibwa kuhandikisa ekigombe kye.

Ekiragiro nikigira ngu omuntu weena kuza kuhandikisa ekigombe kyona eky’eby’obutegyeki ashemereire kuba arundaine emikono y’abateezi b’akaruuru 50 abehandikiise hakiri kuruha omuri bibiri bya kashatu byaza disiturikiti eziri omu eihanga.

Okurugiirira aha kihandiiko ekyo, Katumba aremirwe kuhisya ebirikwetengwa kuza kuhandikisa ekigombe kye ky’eby’obutegyeki kandi nabwo abakuru omu kakiiko k’eby’oburuuru nibajunana Katumba ahabw’okwanga kurangiirira eby’obugaiga bwe.

#WestUpdates