Philip Kakuru arikwehandiikisa

N'ebya Annita Matsika

Abajwekyerwa b'abashuubuzi kuruga omu disturikiti eza Ankore ezirimu Ibanda, Kamwenge, Kazo hamwe n'ahandi boorekire obushagiki ahamuhabuzi wa purezidenti Philp Kakuru kandi bamuhinguza kumutorana ahantebe eya NRM chairperson Entrepreneurs League aha CEC.

Ebi bibaire omu tauni eya Ibanda ekiro kya nyomwebazyo.

Abajwekyerwa b'abashuubuzi abarikumanywa nka ba 'delegates' okuruga omu disturikiti nka Ibanda, Kamwenge, Kitagwenda, Kazo hamwe na Buhweju nibo bahingwize omuhabuzi  mukuru wa Puresidenti ahaby'obushuubuzi, Philp Kakuru ahantebe eya NRM Entreprenuers League chairperson.

Eki nikiijaho bwanyima y'ebindi bicweka omu ihanga omuri Karamoja, Toro, Bugisu, Sebei hamwe na Busoga okumuhinguza.

Atakahinguziibwe, Kakuru abandize n'okuhayo manifesto ye.

Naamanywa nk'omushuubuzi rurangaanwa kandi bimwe ebi yaakozireho okuhwera abashuubuzi n'okutandikaho SACCO kandi okurugiirira aha manifesito egi, Kakuru agyendereire kureeba ngu abashuubuzi baatunga abeebembezi okutandikira ahamagomborora okuhisya n'ahaiguru.

Akaruuru aka n'ak'okuteerwa ebiro 02.08.2025 ahakishaayi Kololo kandi ogu naija kuba naaritana na Hon Robert Rukaari, King Ceaser n'abandi.

#WestUpdates