Amashanyarazi omu Paramenti ya Zimbabwe gashazirweho, abany'ishengyero batangaara. Courtesy Photo.

N’ebya Omushaki weitu

ZIMBABWE

Paramenti ya Zimbabwe eyijwire omwirima bwanyima y’amashanyarazi kusharwaho obu minisita w’eby’esente, Mthuli Ncube abaire ariyo namariira okushoma obutumwa bwe bw’embaririra y’eihanga. 

Amataara ku garugireho, abantu bakuru omu eihanga eryo abarimu Purezidenti Emmerson Munangagwa, omuhwezi wa Purezidenti Constantino Chiwenga hamwe n’abany’ishengyero basigara bashutami omu mwirima.

Okurugaho kw’amashanyarazi n’akamanyiso akarikworeka ngu eihanga rya Zimbabawe tiryine mashanyarazi garikumara bwanyima y’ekyanda kiringwa ekiteire eihanga ero kikakyendeeza ahamashanyarazi agarikuruga omu daamu ya Kariba, daamu erikukirayo kuheereza eihanga amashanyarazi.

Amashanyarazi kugarugireho, abany’ishengyero ab’orubaju ab’orubaju orurikuhabura gavumenti bateire enduuru barikugira ngu okurugaho kw’amashanyarazi omu Paramenti nikworeka embeera eri omu eihanga rya Zimbabwe.

George Manyaya, Omugambirizi w’ekitongore ky’amashanyarazi ekya Zimbabwe Electricity Supply Authority agambiire abanyamakuru ngu okurugaho kw’amashanyarazi kubaire kutagyendereirwe.

Naagira ngu amashanyarazi okurugaho kiretsirweho enkuba eziteire omu eihanga eryo.

#WestUpdates