AMDA ehaire aba Nyarubumba nayikondo kumaraho ekizibu ky’amaizi...(Photo by Anita Matsika)

N’ebya Anita Matsika

Ntungamo:

Ekigombe ekya Archdiocese of Mbarara Development Association (AMDA) bakwatanise n’ekigombe ekya Nile Humanitarion kuruga Turkey bahaireyo nayikondo kuganyirwamu abatuura b’omukyaro ekya Nyarubumba.

Nayikondo egi ehairweyo Chairperson wa AMDA, Chris Gumisiriza n’omuny’eishengyero wa Rushenyi, Naome Kabasharira nyomwabazyo.

Aba bashabire abatuura kureeberera nayikondo egi kureeba ngu ebyanga byatunga amaizi marungi g’amayonjo.

Chris Gumisiriza, naagira ngu nka AMDA, bimwe ahabigyendererwa byabo n’okurinda eby’obuhangwa, enshonga ahabw’enki bahaireyo nayikondo.

Omuny’eishengyero Naome Kabasharira ashabire abatuura ba Nyarubumba n’ebidni byanga ebihairwe purogyekiti z’amaizi kubirindagye.

Eriizooba, aba AMDA beineho kampu y’eby’amagara ahari St. Paul SS Rushoka omugomborora ya Kayonza omu disiturikiti ya Ntungamo ahi abatuura batunga obuheereza bwa busha.

AMDA bakwatanise na Vision Group omu hururu yaabo ey’omwaka ogu.

#WestUpdates