Sudan na Iran kugaruzaho omukago bwanyima y’emyaka 7.

N’ebya Omushaki weitu

Amahanga erya Sudan na Iran aharw’okubanza gaikiriize kugaruzaho omukago gwabo bwanyima y’emyaka 7 batarikukwatanisa, okurugiirira aha bigambirwe minisiture y’enshonga z’aheeru.

“Amahanga 2 gaikiriize kugaruzaho enkwatanisa bwanyima y’okubuganaho omu meezi agahingwire,” Okurugiirira aha kihandiiko ekishohoziibwe Minisiture.

Aba baikiriize kutaho oburyo kureeba ngu bayiguraho ebitebe byabo omu biro by’omu maisho kandi baikirizine kuhanisana abakuru omu mahanga aga kureetaho enkwatanisa nungi.

Omukago gwa Sudan na Iran gukasisikara omu mwaka gwa 2016, kushagika Saudi Arabia bwanyima y’ekitebe kyayo omuri Tehran kutaahirirwa ahabw’okwita kw’omunyadiini.

Abarikushagika Saudi Arabia batari bamwe omu kyanga eki nabo bakemereza omukago gwabo obwire obu.

Beitu hoona, omu kwezi kwa 3, Riyadh na Tehran zikarangiriira okugaruzaho omukago gwabo bwanyima y’endagaano ei China yakozire aha nshonga ezi.

Eihanga erya Sudan ritwiremu okurwana kuruga ebiro 15/04/2023 obu okurwana okwabarukireho ahagati yaaba General 2, mukuru w’amahe g’eihanga eryo, Abdel Fattah al-Burhan hamwe n’owabaire ari omuhwezi we, Mohamed Hamdan Daglo orikuduumira ekigombe ky’abarwani ekya Paramilitary Rapid Support Forces.

#WestUpdates