Ruth Asaba, 36, akakwatwa ahabiro 13.10.2024 omukiro bwanyima y’okuziika omushaija we, Moses Katusabe.

N’ebya Peter Abaanabasazi.

HOIMA

Omukazi w’omugyenzi Moses Katusabe, omushomesa w’okubara ah’eishomero erya Bwikya Muslim SSS omuri Hoima owaitsirwe, ateirwe omushango gw’okwita. 

Ruth Asaba, 36, asiindikirwe aha rumanda omu kihome kya Kiryateete ahabw’okugambwa kuba yayitsire iba.

Ruth Asaba, 36, akakwatwa ahabiro 13.10.2024 omukiro bwanyima y’okuziika omushaija we, Moses Katusabe. 

Asaba akwatsirwe abapooriisi bwanyima y’okutunga amakuru ngu aine amakuru agarikukwata aha kufa kw’omushaija we. Omugyenzi akaitwa abainazi abatakamanyirwe ahabiro 11.10.2024.

Abainazi aba bakamwiitira omu nju ye omu kyaro ekya Kicwamba omuri East Divijoni omu rurembo orwa Hoima obu omukazi we n’abaana babaire bari omu kishengye.

Asaba areebukireho omu maisho ga kooti ebaire ekuriirwe Omuramuzi Doreen Kaayo aharwakabiri ebiro 22.10.2024.

Abahababi bagambiire kooti ngu Asaba n’abandi abakibuzire nibagambwa kuba baitsire omushomesa Katusabe.

Katusabe afeereire aha myaka 40 kandi asigire omukazi omwe n’abaana 2.

#WestUpdates