John Owe, 56, obwa hati ori ah’eirwariro erya Canopus Health Care and Pharmaceuticals Uganda Limited nagira ngu ataahiriirwe enjubu egi obu abaire ari omu musiri gwe. Photo by Samuel Amanyire.

N’ebya Samuel Amanyire

KASESE

Abantu babiri omu disiturikiti eya Kasese baatungire obuhuta bwanyima y’okutaahirirwa enjubu etorokire omu eirindiro erya Queen Elizabeth National Park etyo ekataahirira ebyaro by’omu divijoni ya Nyamwamba omu Munisiparite ya Kasese.

John Owe, 56, obwa hati ori ah’eirwariro erya Canopus Health Care and Pharmaceuticals Uganda Limited nagira ngu ataahiriirwe enjubu egi ei ateekateekire kuba erugire omu mugyera gwa Nyamwamba obu abaire ari omu musiri gwe.

Beitu we, Junior Bwambale, 17, ari ah’eirwariro erya Mt. St. Mary’s Hospital ahi ariyo naragurirwa obuhuta obu atungire.

Junior Bwambale, 17, ari ah’eirwariro erya Mt. St. Mary’s Hospital ahi ariyo naragurirwa obuhuta obu atungire.

Tiimu y’abakuru kuruga omu kitongore ekya Uganda Wildlife Authority (UWA) bahikire aha mwanya ogu nikwo kwita enjubu egi.

Pimako Kasereka, ceeyamaani wa Nyamwamba Divijoni nayenda ekitongore ekya UWA okurahusya entebeekanisa z’okutaho ekisiika ky’amashanyarazi aha mwanya ogutakazitiirwe.

Bashir Hangi, Omugambirizi w’ekitongore ekya Uganda Wildlife Authority ayorekire okushaasha ahabw’ekikorwa ekibaireho nikwo kuranganisa abarikukwatwaho obushagiki aha sente ezi abatungire obuhuta barakorese omu marwariro.

#WestUpdates