Emotoka etomiire enjojo yagiita omuri Murchison Falls National Park. UWA Photos.

N’ebya Omushaki weitu

PAKWACH:

Emotoka ebaire eri aha sipiidi y’amaani eya namba ya UBP 616E etomiire enjojo (Elephant) yagiita omu eirindiro ry’enyamaishwa erya Murchison Falls National Park aha ruguuto orwa Karuma-Pakwach.

Emotoka etomiire enjojo yagiita omuri Murchison Falls National Park.

Omugambirizi w’ekitongore eky’amarindiro g’enyamaishwa ekya Uganda Wildlife Authority, Bashir Hangi naagira ngu abavugi b’ebiruka kuvuga sipiidi erengire omu marindiro g’enyamaishwa ehindukire enshonga. 

Emotoka etomiire enjojo yagiita omuri Murchison Falls National Park.

Hangi naagira ngu egi niyo nshonga ahabw’enki abavugi b’ebiruka batashemeriire kurenzya sipiidi ya 40km/h ahabw’okuba omuntu yaaba novuga sipiidi egi, nabaasa kwerinda okutomera enyamaishwa z’omu kishaka. 

Hangi ayongiire yagira ngu ti kirungi kuvuga omu marindiro g’enyamaishwa omu bwire bw’ekiro ahabw’okuba obu nibwo bwire obu enyamaishwa zirikuba nizitambatambura munonga. 

Nashaba abantu okuba abegyendesereza munonga ahabw’abantu n’enyamaishwa baaba nibakoresa enguuto.

#WestUpdates