Omwegyemure ogutaahiriire abantu ba Kasese bwanyima y'omugyera gwa Nyamwamba kubooga.

N'ebya John B Thawite 

KASESE

Pooriisi omuri Kasese ecungwire abantu 3 obutatwarwa amaizi omu mugyera gwa Nyamwamba bwanyima y'omugyera ogu kugarukamu gukabooga. Abacungwirwe n'abakozi 2 ba kampuni ya Kilembe Mines Limited hamwe n'omutuura wa Kasese Munisiparite. 

Kuruga omu mwaka gwa 2012, disiturikiti eya Kasese eizire neteganiisibwa omwegyemure na munonga ogurikukira kureetwaho okubooga kw'omugyera gwa Nyamwamba.

Abahangu omu by'obuhangwa bw'ensi babaire barabwire aha mwegyemure kuteganisa abantu ba Kasese, omushenyi ogurikushukwa omu mugyera gwa Nyamwamba gwaba gutarekirwaho. 

Omugyera gwa Nyamwamba kugugarukiremu kubooga nyomwebazyo aharwakana, amaizi gataahiriire ofiizi za Kilembe Mines ahi abakozi 2 babaire bari obwire obwo.

Wilfred Bagenda, Omudumizi wa Pooriisi ya Kasese narabura abantu okwerinda okwambuka omugyera gwa Nyamwamba baaba nibenda kurinda amagara gaabo.

Ekitongore ekya Uganda Red Cross nikigira ngu emyanya ekirizeyo kuteganisibwa ni; Nyakasanga, Saluti A&B, Mawa market, Kitooro na Kisagazi.

Omugambirizi w'ekitongore eki, Irene Nakasiita, arikurabira aha twitter, yaagira ngu Oruguuto orwa Kirembe rushazirweho amaizi ahari Namuhunga junction.

Naagira ngu bariyo nibakoragana n'abandi abarikukwatwaho kwetegyereza embeera eri omu mwanya ogu 

#WestUpdates