Bashatu batweirwe aharumanda ahabw’esente za PDM...(Photo by Anti Corruption Unit)

N’ebya Michael Odeng

Namutumba:

Abeebembezi 3 ba sacco omu disiturikiti eya Namutumba batsindikirwe aharumanda omukihome ekihango ekya Iganga ahabw’okushashuza abantu sente kutunga sente za PDM.

Omubaro gw’abeebembezi ba sacco omu disiturikiti ya Namutumba abakwatsirwe bakatwarwa omu kooti ahabw’esente za PDM hati ni 10.

Abeebembezi b’ekigombe ekya Kiwani PDM SACCO harimu Chairperson, Emmanuel Ngobi, omuhwezi we, Isma Kabenene n’omuhandiiki Wilberforce Kasisa.

Abashatu aba abareebekireho omumaisho g’omuramuzi, Yunus Ndiwalana nyomwabazyo, behakaine emishango y’okutunga sente omubushobya.

Orubaju oruhababi nirugira ngu abashatu aba n’abandi abatakakwasirwe, omukwamwenda 2023 omu sacco eya Kiwani PDM Sacco, omukyaro ekya Bulolo bakaiha sente ahabantu bagumize ngu n’ez’okubahwera kutunga sente za PDM.

Omuramuzi ayongyeizeyo kuhurira omushango ogu kuhitsya ebiro 27/8/2024.

#WestUpdates