Bataano bafiire obw’eryato rigwire omu Lake Victoria.

N’ebya Omushaki weitu

BUVUMA

Abantu 5 bafiire aharw’okubanza ebiro 01/01/2024 bwanyima y’eryato eribabaire nibatamburiramu barikuruga aha kirwa kya Zigunga barikuza ahakya Zinga omu disiturikiti ya Buvuma kugwa omu Nyanja eya Victoria.

Hellen Butoto, Omugambirizi wa Pooriisi ahabw’ekyanga ekya Ssezibwa naagira ngu butandu egi ebaireho shaaha emwe y’omwabazyo.
Butoto naagira ngu 14 babaasize kucungurwa kandi abandi bantu nibagambwa kuba bakibuzire.

"Pooriisi omuri Buvuma eriyo necondooza butandu egi ebaire aha Nyanja ya Victoria ahi eryato rigwire eribaire niriruga omuri Zigunga ririkuza aha kirwa ekya Zinga kutunga butandu esigire abantu 5 bari emitumbi. Butandu egi ebaire shaaha emwe y’omwabazyo ahabiro 01/01/2024,” Butoto arikushoborora.

Abantu 5 nibo bahamiibwe kuba bafiire, kandi abandi 14 bacungwirw.

Butoto naagira ngu eryato eri ribaire ripakiire ekirenga ekirikuteeberezibwa ngu kibaasa kuba nikyo kirugiriireho butandu egi.

Nagamba abafiire nka; Monday Bukenya, 50, Nantaba Sisa, 7, Lydia Nanjita, 16, Night Ssabano, 9 hamwe na Angel Namuwaya, 10. 

Abahonokireho barimu; Annet Bandibasa, 35, Florence Nakintu, 45, Samali Nalubega, 3, Olivia Nalunga, 6, Joseph Bukenya, 50 hamwe na Joseph Omoding,15. 

Abandi ni; Shinsia Kaguna, 9, David Mukasa, 54, Kutusa Namatovu, 40, Juma Kangungulu, 13, Shaluwa Nishima, 9, Precious Naziwa, 6, Yisa Yoweri, 2, hamwe n’omwana w’ameezi 6, Dan Sseluyembe. 

Butoto naagira ngu okucondooza aha kirugiriireho butandu egi kutandikire kandi Pooriisi neija kuba nemanyisa abanya-Uganda ahabirugire omu kucondooza.

#WestUpdates