Biishopu Mwesigwa atoorainwe kuba Diini omusya w’ekanisa ya Uganda...(Photo by Abdulkarim Ssengendo)

N’ebya Abdulkarim Ssengendo

Mbarara:

Aakibiishopu w’ekanisa ya Uganda, Dr. Steven Samuel Kaziimba Mugalu arangiriire Biishopu w’obureeberezi bwa Ankole, Rt.Rev.Assoc.Prof.Fred Sheldon Mwesigwa nka Diini omusya w’ekanisa ya Uganda.

Ebi bigambirwe omu ruteerane rwa 27 orw’ekanisa ya Uganda oruhwaire aharwakana, 22/8/2024.

Oruteerane oru orw’ebiro bibiri kwiha 21/8/2024 kuhika 22/8/2024 rushutamire ahari Uganda Christian University omuri Mukono kuhajaana ahanshonga nkuru z’akanisa n’emiringo y’okwebeisaho.

Ekihandiiko kuruga omu Ofiisi y’omuhandiiki w’ekanisa ya Uganda, Rev. Canon William Ongeng, Biishopu Mwesigwa naaza omubigyere bwa Rt. Rev. Joseph Abura, Biishopu w’obureeberezi bwa Karamoja orikuhumura aha Sunday 25/8/2024.

Diini w’ekanisa ya Uganda naba ari Omuhwezi wa Aakibiishopu kandi nawe naaba ari ahakakiiko k’okutoorana Aakibiishopu w’ekanisa.

#WestUpdates