Biishopu Sheldon Mwesigwa nahabura abakurisitaayo kuguma nibakyebeza kumanya amagara gaabo...(Photo by Abdulkarim Ssengendo)

Biishopu Sheldon nashaba abakurisitaayo okwekyebeza kumanya amagara gaabo

N’ebya Abdulkarim Ssengendo

Abakurisitaayo nibahaburwa okuguma nibekyebeza kumanya amagara gaabo omumwanya gw’okukozesa sente nyingi kuragurira endwara.

Ebi bigambirwe Biishopu w’obureeberezi bwa Ankole, Rt. Rev. Fred Sheldon Mwesigwa obu abaire ataayaayire oburiisa bwa Nombe ahi ateireho emikono abantu 154, akaigura enju y’omuriisa hamwe n’okutongooza purogyekiti y’okuhunduuza ekanisa eya Nombe erikwija kumaraho shiringi miriyooni 300.

Biishopu arikwiguraho enju y'omuriisa wa Nombe...(Photo by Abdulkarim Ssengendo)

Biishopu Sheldon agiizire ngu abantu abaingi ebiro ebi nibeitwa endwara ezi barikuba batekyebeize.

Biishopu ashabire abakurisitaayo kwebembeza Kristo omu purogyekiti zaabo n’ebiteekateeko.

Nathan Mugume, mukuru w’abakurisitaayo omu buriisa bwa Nombe ashabire abakurisitaayo kukwatanisiiza hamwe omubyabwombeka kubaasa kuhunduuza ekanisa yaabo.

#WestUpdates