Purezidenti ahaire Biishopu w'obureeberezi bwa West Ruwenzori emotoka...Photo by John Masaba

Biishopu wa West Ruwenzori atungire emotoka kuruga owa Purezidenti

N’ebya John Masaba

Biishopu w’obureeberezi bwa West Ruwenzori, Barnabas Tibaijuka atungire emotoka kuruga owa Purezidenti Yoweri Museveni ey’okumuhwera ahamirimo ye.

Omuhwezi wa Purezidenti, Jessica Alupo akwatsize Biishopu emotoka egi ahamukoro ogukoreirwe omu ofiisi ye omuri Kampala aharwakashatu nyomwabazyo.

Alupo agiizire ngu Purezidenti akaragaanisa emotoka egi obu Biishopu Barnabas Tibaijuka ayeemekwa aha Sande 27/8/2023 omu disiturikiti ya Bundibugyo.

Omuhwezi wa Purezidenti, Jessica Alupo niwe ahaire Biishopu Barnabas Tibaijuka emotoka egi...Photo by John Masaba

Alupo asiimire Tibaijuka ahabw’okwebembera obureeberezi bwa West Ruwenzori n’ekitenso kye eky’okugura hika 20 z’eitaka ez’okukoresa omukuhinga n’okuriisa okw’esente.

Tibaijuka, ou obureeberezi bwe buri busya omukanisa ya Uganda agiizire ngu emotoka egi neija kumuhwera okukora emirimo ya Ruhanga kandi aragaanisa okukwatanisa na gavumenti okuhindura emituuriire y’abantu.

Omukoro ogu gukoreirwe aha ofiisi ya Jessica Alupo omuri Kampala..Photo by John Masaba

Ogu atabarukize gavumenti ya NRM na paramenti ahabw’okuhinguza eiteka erikurwanisa ebitingwa.

Omukoro ogu guhikirweho Minisita w’eihanga ow’amakorero, David Bahati, Minisita Harriet Ntabazi, Jane Alisemera kuruga omu ofiisi y’omuhandiiki wa NRM n’abandi.

#WestUpdates