Dr. Mukiza agambire ahari za disiturikiti ezaakirizeyo kubateganisa omu kubara abantu nk’eya Namayingo, Bugiri hamwe na Buyende.

N’ebya John Masaba 

Pictures by Juliet Kasirye
 
Ekyanga ekya Busoga nikyo kikirizeyo kugira guruupu nyingi eziteeganiize ehururu y’okubara abantu n’ebintu byabo eya 2024 eheerize kukorwa omu eihanga ryona. Abamwe babaire bari ab’ediini abagizire ngu ediini yaabo terikwikiririza omu kubabara.

Dr. Chris Mukiza- mukuru w’ekitongore eky’eby’orubaro rw’abantu ekya Uganda Bureau of Statistics (UBOS) agambiire aharw’okubanza omu rukiiko rw’abanyamakuru orubaire aha kitebe kikuru ky’ekitongore ekya UBOS omuri Kampala.

Orukiiko rw’abanyamakuru rubaire rugyenderiire kumanyisa eihanga ahahururu y’okubara abantu eya 2024 omuri okubagambira omubaro gw’abantu abari omu Uganda, entaasya y’abantu n’ebindi.

Mukiza agizire ngu n’obu bamwe bayikiriziibwe kubarwa bwanyima ya Pooriisi kubitahamu, abamwe bakangira kimwe kubabara kandi abo bakaheebwa ebifubiro kurugiirira nk’oku ebiragiro bya Uganda birikugamba.

Dr. Mukiza agambire ahari za disiturikiti ezaakirizeyo kubateganisa omu kubara abantu nk’eya Namayingo, Bugiri hamwe na Buyende.

Nakyoreka ngu ahabw’enshonga egi, baremirwe kuhikiriza eki babaire bagyenderiire omuhururu y’okubara abantu eyatandikire ebiro 10.05.2024 kuhisya 19.05.2024 kandi ehururu ekaija yayongyezibwayo ebindi biro 6.

Dr. Mukiza nayongyeraho ngu ebyahikireho nibyoreka ngu babase kubaasize kuhika aha bicweka 99 ahari 100 by’abantu ababaazirwe. Akacweka kamwe ahari 100 k’abantu abatarabazirwe n’abo ababaire batashangwa mu maka gaabo ekyagumiire ababaire nibabara kutunga abantu abo.

Agambire ahadiini eyayangire abakuraasi baayo kubarwa nk’eya Engiri. Ediini egi neegira ngu terikwikiririza omu kubara abantu, okushomesa abaana, okunaaba, okusirika endwara n’ebindi ngu ahabw’okuba ebi byona n’ebikorwa bya sitaane.

#WestUpdates