Dr. Rukaari asiimire Radio West ahabwa puroguraamu zaayo nungi ezihweriire abanya-Uganda kwetunguura. Photos by Beth Akatukunda.

N’ebya Beth Akatukunda

MBARARA

Omuny’ishengyero wa Mbarara City North, Dr. Robert Mwesigwa Rukaari ahaire Radio West ente 2 z’okwija kubaaga ah’eizooba rya #Ekinihiiro Rwigura-Mpata ebiro 27.07.2024 omu kishaayi Kakyeka, Mbarara.

Hon. Dr. Rukaari owa Mbarara City North ahaire Radio West ente 2 z’ekinihiiro.

Dr. Rukaari nabwo aguriire abantu ba Mbarara City North tiketi 300 ezirabataasye omu Ekinihiiro Orwamukaaga orwa wiiki erikwija.

Arikukwasa ente ezi abakozi ba Radio West beebembiirwe Manegya waabo, Dickson Baryahamwe- Dr. Rukaari asiimire Radio West ahabwa puroguraamu zaayo nungi ezihweriire abanya-Uganda kwetunguura. 

Hon. MP. Dr. Robert Mwesigwa Rukaari owa Mbarara City North omu rurembo orwa Mbarara.

Omuny’ishengyero agarukire yasiima Radio West ahabw’okutunguura eby’oburambuzi, eby’obuhangwa, okutunguura entaranta z’abeeshongozi n’abazaani b’omupiira oteireho n’okushagika za bizinesi ebihweriire abantu baingi.

Arikwakiira ente ezi aha faamu ye omuri Kibeega, Kiruhura disiturikiti, Dickson Baryahabwe asiimire Omuny’ishengyero Rukaari ahabw’omuganda ogu ahaireyo oteireho n’okugira omutima gwa Rukundo.

Dickson Baryahabwe, Manegya wa Radio West aha sente ei MP. Robert Rukaari ahaire Radio West ahabwa #Ekinihiiro Rwigura-Mpata ekiriho ebiro 27.07.2024.

Okutaanaho n’ebinihiiro ebindi ebizire nibibaho, #Ekinihiiro ky’omwaka ogu, abantu abaraije omu kishaayi Kakyeka ebiro 27.07.2024 nibeija kuheebwa amate ga busha kandi nago gaguzirwe Dr. Rukaari.

Hon. Dr. Robert Mwesigwa Rukaari owa Mbarara City North aine omukoz wa Radio West, Charity Mbabazi.

Niheija kuba hariho abeeshongozi b’amaani beebembiirwe Queen Sheebak Karungi, King Saha n’abandi baingi. 

Radio West neija kuba nejaguza emyaka 25 ei yahisya omu buheereza. Okutaahamu ni shiringi 10,000.

#WestUpdates
#RadioWestAt25