Aba AMDA batebeekaniise ehururu y'okuragurira abantu ahabwa busha omuri Ibanda..(Photo by Annita Matsika)

Ehururu ya AMDA ey’okuragurira abantu ahabwa busha - Ibanda

N’ebya Annita Matsika

Enkumi n’enkumi z’abantu baahika omu hururu y’eby’amagara ey’okuragurira abantu ahabwa busha etebeekanisiibwe ekigombe ekya AMDA.

Ehururu egi ey’omurundi gwa 9 yaaba ah’eishomero erya St. John Fishers Ibanda S.S.

Abantu barikutunga okuragurirwa kwa busha..(Photo by Annita Matsika)

Chaplain wa AMDA, Fr. Dr Darious Magunda obu yaaba natongozaho ehururu egi yaasiima abantu b’ekyanga ekya Ankole empango ahabw’okwija omu bwingi kwekyebeza.

Enyerere z'abantu abaahika omu kampu egi kutunga okuragurirwa kwa busha..(Photo by Annita Matsika)

Ogu yaagira ngu nka AMDA, n’ekigyendererwa kyabo eky’okuhitsyaho abantu obuheereza bw’eby’amagara obwa busha kurabira omu kuburira ekigambo kya Ruhanga.

Ehururu egi etebeekanisiibwe ab'ekigombe ekya AMDA..(Photo by Annita Matsika)

Gervas Ndyanabo, Orikukurira abakristu omu eihanga kandi hoona ori Omuhwezi wa mukuru wa Vision Group yaasiima aba AMDA ahabw’obuheereza obu.

Enkumi n'enkumi z'abantu baahika omu hururu egi

Abantu abayejumbira omu hururu egi kuruga omu disiturikiti nka Ibanda, Kitagwenda, Kamwenge, Fort Portal, Mbarara, Kazo, Buhweju n’ahandi basiima AMDA ahabw’okubeirukangirira.

#WestUpdates