UPDF etandikireho ehururu y''okurwanisa Cholera omuri Congo...(Photo by Job Namanya)

Ehururu ya UPDF kurwanisa Cholera omu DRC

N’ebya Namanya Job Apuuli

Amahe ga UPDF gakwatanise n’amahe g’ekyanga ekya East Africa agari omu eihanga erya DR congo kureetaho obusingye, gatongoizeho ehururu y’okurwanisa endwara eya Cholera.

Cholera ebarukireho omuri Mabenga na Kiwanja omukyanga ekya Rutshuru.

Tiimu yaba ingyiniya ab’amahe ga UPDF bakozire pipe y’amaizi kubaasa kuhitsya abatuura amaizi g’amayonjo omuri Tshengerero n’etauni ya Bunagana.

Amahe garikukora pipe y'amaizi..(Photo by Job Namanya)

Purogyekiti egi neija kuha amaizi ga pipe kandi g’amayonjo ebyaro ebya Mukingo, Cheya, Rubona na Kibindi omugomborora eya Jomba, ahu endwara ya Cholera ebarukire. 

Col. Michael Walaka Hyeroba, omuduumizi w’amahe ga UPDF omuri Congo naagira ngu tikihire okuheereza abantu ba Congo oburinzi bwonka obwo baine ekizibu ky’eibura ry’amaizi n’oburofa, zimwe enshonga eziretsireho okubarukaho kwa Cholera.

Obwahati, abantu barikurenga omuri 13 nibagambwa kuba batsirwe Cholera omuri Mabenga na Kiwanja.

#WestUpdates